کرم ایجنسی : اسلحہ جمع نہ کرانے کی وجہ

وفاق کے زیر انتظام قبائلی علاقے کرم ایجنسی میں حکومت کی طرف سے لوگوں کو غیر مسلح کرنے کےلیے دی گئی مہلت کے اختتام پر طوری بنگش قبائل نے اعلان کیا ہے کہ غیر قانونی اسلحہ اس وقت تک انتظامیہ کے حوالے نہیں کیا جائے گا جب تک ان کی تحفظ کی مکمل طور پر ضمانت فراہم نہیں کی جاتی۔

کرم ایجنسی میں طوری بنگش قبائل کی نمائندہ تنظیم انجمن حسنیہ کے سیکرٹری حاجی فقیر حسین نے بی بی سی سے گفتگو کرتے ہوئے کہا کہ کرم ایجنسی بالخصوص بالائی کرم کے علاقوں میں آباد قبائل نے ہتھیاروں کو اپنی حفاظت کے لیے رکھا ہوا ہے اور انھیں کبھی حکومت یا ریاستی اداروں کے خلاف استعمال نہیں کیا۔

انھوں نے کہا کہ چند دن پہلے کرم ایجنسی کے صدر مقام پاڑہ چنار میں بازار کے اندر ایک بڑا دھماکہ ہوا جس میں درجنوں بے گناہ افراد مارے گئے اور جس سے ظاہر ہوتا ہے کہ علاقے میں حالات ایسے نہیں کہ شرپسند عناصر کا خاتمہ ہوچکا ہے۔

ان کے مطابق 'ہم نے ہتھیاروں کو نمائش یا مشغلے کےلیے نہیں رکھا ہوا ہے بلکہ ہم تو اپنے بچوں، مٹی، نام اور عزت کو بچانےخاطر یہ سب کچھ کررہے ہیں ۔‘

حاجی فقیر حسین نے مزید بتایا کہ اس سلسلے میں قبائل کے مشران پر مشتمل ایک 40 رکنی جرگہ بھی ہوا تھا جس نے مقامی انتظامیہ اور سکیورٹی فورسز کے نمائندوں سے بات چیت کے بعد یہ فیصلہ کیا تھا کہ اگر حکومت ان کو تحفظ کی ضمانت دیتی ہے تو وہ ان کی بات ماننے کےلیے ہر وقت تیار ہوگی۔

انھوں نے کہا کہ جرگے نے چند دن پہلے پاڑہ چنار کے دورے پر آئے ہوئے برّی فوج کے سربراہ جنرل قمر جاوید باجوہ اور کور کمانڈر پشاور کو بھی اپنے خدشات سے آگاہ کیا تھا۔

ادھر حکومت نے کوہاٹ ڈویژن اور ملحقہ قبائلی علاقے اورکزئی ایجنسی میں بھی غیر قانونی ہتھیاروں کے خلاف مہم کا آغاز کیا ہے تاہم ابھی تک صرف کوہاٹ کے بعض علاقوں میں لوگوں نے رضاکارانہ طورپر غیر لائسنس شدہ اسلحہ مقامی انتظامیہ کے حوالے کیا ہے۔

کوہاٹ پولیس کے مطابق یہ مہم قومی ایکشن پلان کے تحت شروع کی گئی ہے تاکہ علاقے کو غیر قانونی ہتھیاروں سے پاک کیا جائے۔ یکم جنوری سے شروع کی گئی اس مہم میں عمومی طورپر ابھی تک انتظامیہ کو کوئی خاص کامیابی حاصل نہیں ہوئی ہے۔

یاد رہے کرم ایجنسی میں 2007 میں طوری بنگش قبائل نے  طالبان اور دوسرے دہشتگرد تنظیموں سے طویل جنگ کی اور ان کو اپنے علاقوں سے پسپا کیا جس کے باعث پاراچنار اور اس کے ملحقہ علاقوں کے لوگوں کے لئے پانچ سال تک ٹل پاراچنار روڈ بند رہا اور یہاں کے لوگ افغانستان سے ہوکر پاکستان پشاور پہنچتے تھے.

خیال رہے کرم ایجنسی کے طوری بنگش قبائل ہمیشہ سے پاکستانی حکومت اور پاک فوج کا ساتھ دیا،  طالبان اور دوسرے دہشت گرد تنظیموں سے خطرے کے باوجود طوری بنگش قبائل نے پاک فوج کی جانب سے آپریشن ضرب عضب کی مکمل حمایت کی.  طالبان سمیت دیگر دہشت گرد تنظیموں سے لڑنے اور پاک فوج کی حمایت کرنے پر یہ قبائل کئی عرصے سے دہشت گردوں کے نشانے پر ہیں،  پچھلے دس سالوں میں پاراچنار شہر میں اٹھ سے زائد بڑے دھماکے ہوئے.

کرم ایجنسی کے طوری بنگش قبائل کا اسلحہ جمع نہ کرانے کی ایک وجہ یہ بھی ہے کہ یہاں کے لوگ اب تک دہشت گردوں کے حملے کا نشانہ بن رہے ہیں اور دوسری طرف کرم ایجنسی کا سرحد افغانستان کے تین صوبوں سے ملتا ہے وہاں سے بھی طوری بنگش قبائل پر حملے ہوتے رہتے ہیں اور حکومتی اقدامات کے باوجود یہاں کے لوگ خود کو محفوظ تصور نہیں کرتے.

اکیس جنوری 2017 ہفتے کے روز پارا چنار میں ہونے والا خود کش دھماکہ ایک متوقع حادثہ تھا۔ در اصل حلب اور موصل میں شدت پسندوں کی پسپائی کے بعد یہ امکان موجود تھا کہ شدت پسند پاراچنار کا رخ کریں گے۔ مقام افسوس ہے کہ اس دوران حکومتی اہلکاروں نے شدت پسندوں کا راستہ روکنے کے بجائے مقامی لوگوں کو غیر مسلح کرنے کے لئے زور لگانا شروع کردیا۔ اگر سرکاری ادارے مقامی لوگوں سے الجھنے کے بجائے ان سے مل کر حفاظتی مسائل کو آگے بڑھاتے تو ایسی صورتحال کبھی بھی پیش نہ آتی۔

مکمل تحریر >>>

کالم : بلاگرز ایشیو ، قانون کی بالادستی اور قومی خفت - ایمل خٹک

پچھلے دنوں سوشل میڈیا پر سرگرم عمل چند نوجوان جنھیں حرف عام میں بلاگرز کہتے ھیں یکے بعد دیگرے لا پتہ ھوگے اور ان کے رشتہ داروں اور دوستوں کی جانب سے ان کو حراست میں لینے کا شک ایجنسیوں پر کیا گیا ۔ بعد میں سرکاری طور پر بھی یہ بتایا گیا کہ وہ ایجنسیوں کے پاس ھیں ۔ گزشتہ روز ان میں سے اکثر رہا ھوکر گھروں کو واپس آچکے ھیں۔ ان کے متعلق جو پروپیگنڈا کیا گیا اور ان پر جس قسم کے الزامات لگائے گئے اس کی موجودگی میں تو ان کو جیل میں ھونا چایئے تھا۔ مگر وہ باھر کیسے آئے ؟ کیا ان کی گرفتاری یااغوا ھونے کے بعد سنجیدہ قومی حلقوں کی جانب سے جن تحفظات کا اظہار کیا گیا تھا کہ ان کو ناحق گرفتار کیا گیا ہے وہ سچ ثابت ھوئے ؟
 ان کی گرفتاری کے وقت اس خدشے کا اظہار کیا گیا تھا کہ کچھ مفادی حلقے یا طاقتور حلقے نوجوانوں میں سوشل میڈیا پر بالادست اور حکمران قوتوں کی ناعاقبت اندیش اور غلط پالیسیوں کی بڑھتی ھوئی مخالفت اور ریاستی ظلم و تشدد کے خلاف آواز اٹھانے سے خائف ھیں ۔ اور ان بلاگز کی وجہ سے حکمرانوں کو اکثر شرمندگی اور خفت اٹھانی پڑتی ہے۔ کیونکہ اکثر لاپتہ نوجوانوں کی بلاگز میں سماجی بے انصافیوں، آئین اور انسانی حقوق کی خلاف ورزیوں اور اقلیتوں کے ساتھ امتیازی سلوک کے خلاف آواز اٹھائی جاتی تھی ۔ وہ مظلوم انسانوں کا ساتھ دیتے تھے لا پتہ افراد کے حق میں لکھتے تھے۔ اور ریاستی زیادتیاں افشاء بلاگرز کی گرفتاری سے کچھ حلقے سوشل میڈیا پر عوامی اظہار آزادی کے پر کاٹنا چاہتے ھیں قدغنیں لگانا چاہتے ھیں عوامی مخالفت کی حوصلہ شکنی کرنا چاہتے ھیں ۔ گرفتاریوں سے دیگر نوجوانوں کو یہ پیغام دینا چاہتے تھے کہ وہ حکمران طبقات کی چیرہ دستیوں کو بے نقاب کرنے ، سماجی بے انصافی اور انسانی حقوق کی سنگین خلاف ورزیوں اور اقلیتوں کے ساتھ امتیازی سلوک کے خلاف آواز آٹھانے سے باز رہیں ۔ اور انتہاپسند قوتوں کے مظالم اور چیرہ دستیوں پر خاموش رہنے کے علاوہ وہ حکمران طبقات کی بدعنوانیوں ، لوٹ کھسوٹ، اور غلط طرز حکمرانی کو بے نقاب کرنے سے اجتناب کریں۔
  کیا کچھ دیر کیلئے ھم نے اس پر سوچا کہ اصل ایشیو کیا تھا؟ ان کی گرفتاری یا حراست قانون اور ضابطے کی مطابق تھی یا نہیں ؟ اس ایشیو کو پیش کیسے کیا گیا ؟ اور اس تمام ڈرامے کا نتیجہ کیا نکلا ؟ ۔ بحیثیت قوم کیا ھم میں خود احتسابی کا جذبہ یا روایت ہے ھے یا نہیں ؟ اور کیا قوم کی اعصاب پر سوار رہنے والے ایسے واقعات کی غیر جانبدارانہ تعقیقات ھونی چائیے یا نہیں ؟ کیا تھوڑی دیر کیلئے کسی نے اپنے گریبان میں جانکنے کی کوشش کی۔ تھوڑا جائیز ہ لینے کی کوشش کی ۔ خود تنقیدی یا خود احتسابی کی کوشش کی۔ کہ کیوں وقتا فوقتا ھمارا واسطہ ایسے واقعات سے پڑتا ہے اس کو اچھالا جاتا ہے اور پھر آخر میں اردو کی ضرب المثل کھودا پہاڑ اور نکلا چوہا کی سی کیفیت پیدا ھوجاتی ہے ۔
  سسٹم کو اور اس کے کام کرنے کے طریقہ کار کو سمجھنے کیلئے موجودہ کیس ایک اچھی کیس سٹڈی ثابت ھو سکتی ہے ۔ جس میں مفادی حلقے ، ان کے مفادات ، ان کے حواریوں کے کردار اور طریقہ واردات کو معلوم اور بہتر انداز میں جانا جاسکتا ہے ۔ اس بات کا تعین کیا جاسکتا ہے کہ ریاستی اداروں کا ایسے کیسوں میں طرزعمل کتنا قانون اور ضابطوں کے مطابق ہے۔ اور شہریوں کو ریاستی اداروں کی چیرہ دستیوں اور زیادتیوں سے کتنا تحفظ حاصل ہے اور سب سے بڑھ کر شہریوں کی حقوق کو تحفظ دینے والے اور داد رسی کے ادارے ان کیسوں میں کتنے بے بس اور لاچار ھوتے ہیں ۔
  اگر حالیہ مثال کو لیں تو اس میں کئی خامیاں اور اداروں کی اپنی حدود سے تجاوز اور قانون اور انصاف کی دھجیاں اڑانے کی مثالیں ملتی ھیں ۔ وطن عزیز میں کچھ عرصے سے بعض ایسی واقعات رونما ھو رہے ھیں جس سے نہ صرف انسانی حقوق کی سنگین خلاف ورزی ھو رئی ہے ۔ شہریوں کو بلا جواز اور غیر قانونی گرفتار کیا جا رہا ہے۔ اور معاشرے میں خوف و ھراس پھیل رہا ہے بلکہ بیرون ملک رسوائی اور بدنامی بھی ھو رہی ہے۔ ان واقعات پر اھم مغربی ممالک اقوام متحدہ اور دیگر عالمی انسانی حقوق کے ادارے پریس ریلیز یا مختلف رپورٹوں کے زریعے اپنی تشویش کا اظہار کرتے ھیں ۔
  ایک طرف دنیا گلوبل ویلج بن گئی ہے اور کسی بھی معاشرے میں کوئی بھی چھوٹے سی چھوٹا واقعہ فورا دنیا کے کونے کونےمیں پھیل جاتا ہے اور دوسری طرف ھماری سوچ اور رویہ وہی پرانا اور روایتی کہ اگر ھم خاموشی سے چپکے سے کوئی کام کرئینگے تو کسی کو کانوں کان خبر نہیں ھوگی۔ ایک تو انسانی حقوق کی سنگین خلاف ورزیاں اب مقامی نہیں عالمی مسلہ بن گی ہے۔ اسلئے ریاستوں کو زیادہ احتیاط اور سمجھداری کی ضرورت ہے ۔ دوسرا سوشل میڈیا نے ابلاغ کو اسان اور تیز تر بنا دیا ہے ۔ معلومات تک رسائی اور پھیلانے کا عمل انتہائی سادہ ، ارزاں اور عام لوگوں کی دسترس میں ہے۔ معلومات تک رسائی اور پھیلانے کے عمل پر کنٹرول اب طاقتور سے طاقتور ترین ریاست کی بھی بس کی بات نہیں ۔
  دنیا کہاں سے کہاں پہنچ گی ھمارے قانون نافذ کرنے والے اور تحقیقاتی ادارے ابھی تک پرانے مائنڈ سیٹ کے ساتھ جی رہی ہے ۔ جہاں پر کوئی ایک افسر خود ہی جج بھی بنتا ہے اور خود جلاد بھی۔ انصاف کے مروجہ تقاضے پورا کئے بغیر اور آئین اور قوانین کو بالائے طاق رکھ کر اھم سرکاری پوسٹ پر تعینات ایک فرد یا چند ھم خیال افراد کا ایک محدود گروہ خود ہی اچھے برے کا فیصلہ کرتے ھیں ۔ اس وجہ سے اکثر ایسے اقدامات کی وجہ سے نہ صرف ان اداروں بلکہ پوری قوم کو شرمندگی اٹھانا پڑتی ہے اور بیرون ملک امیج بھی خراب ھوتا ہے
  ھماری قومی بے حسی اور سادگی کا یہ عالم ہے کہ ان خامیوں اور کمزوریوں کی نشاندہی کرنے والوں کو شک کی نظر سے دیکھا جاتا ہے اور اسے غیروں کا ایجنٹ گردانا جاتا ہے۔ آج تک کوئی بھی معاشرہ تنقید اور اصلاح کے بغیر ترقی نہیں کرسکا ۔ کمزوریوں اور خامیوں کی نشاندہی کے بغیر بہتری ، اصلاح اور ترقی کا تصور نہیں کیا جاسکتا ۔ غلطیوں ، خامیوں اور کمزوریوں کو قالین کی نیچے چھپانا مسلے کا حل نہیں بلکہ اس کی نشاندہی اور اس پر بحث کرنے سے ان پر قابو پایا جاسکتا ہے اور ان کا پائیدار حل ڈھونڈا جاسکتا ہے ۔ موجودہ سنگین بحرانوں کی ایک وجہ یہی رویہ بھی ہے کہ ریاست اور حتی کہ مذھب کی غلط استعمال اور استحصال پر کھلے عام بحث سے اجتناب کیا جا رہا ہے ۔ اعلی پوسٹوں پر فائض بعض ریاستی شخصیات کی مھم جوئیوں اور ناعاقبت اندیش پالیسیوں ، ان کی بد عنوانیوں ، بے ضابطگیوں اور اقربا پروری پر بات نہیں کی جاتی ۔ اور تب بات ھوتی ہے جب معاملہ سنگین ھو جاتا ہے یا قابو سے باھر ھوجاتا ہے۔
  یہ بھی درست ہے کہ جاگیردارانہ معاشروں میں تنقید کو برا سمجھا جاتا ہے اس کی حوصلہ شکنی ھوتی ہے اور تنقید کو ذاتی دشمنی کی مترادف سمجھا جاتا ہے مگر تنقید یا سوالات اٹھانا کسی بھی معاشرے کی اصلاح اور نشونما کیلئے ضروری ھوتا ہے ۔ اکسیویں صدی میں پچاس اور ساٹھ کی دھائی کی حرکتیں اب ناقابل برداشت بنتی جا رہی ہے ۔ اب پرانے مائینڈ سیٹ سے پیچھا چھڑانا ضروری ہے۔ اکسیویں صفی کے تقاضوں کے مطابق چلنا ھوگا۔
  ھمارے مذھبی اور ریاستی بیانیوں کا دیوالیہ پن دیکھیے کہ ایک طرف ھم دعوے کرتے ھیں کہ ھمارے مذھب کو ابد تک کوئی چھیڑ نہیں سکتا اور ایک آسمانی اور لافانی مذھب ہے تو دوسری طرف ایک نوجوان کی بلاگ سے اس کو خطرہ لاحق ھوجاتا ہے ۔ پتہ نہیں اس وقت ھمارے ایمان کی مضبوطی اور طاقت کہاں چلی جاتی ہے ۔ یا تو ھمارا ایمان کمزور ہے اور یا بلاگرز کی پوسٹیں طاقتور ۔
  یہی حال ریاست کا بھی ہے کہ دنیا کی پتہ نہیں کتنی بڑی فوج اور بہترین انٹلی جنس ایجنساں رکھنے اور کتنی بڑی ایٹمی طاقت ھونے کے دعوے کے باوجود دوسری طرف چند نوجوانوں کی سوشل میڈیا پر پوسٹوں سے ریاست کا وجود خطرے میں پڑ جاتا ہے ۔ پتہ نہیں اس وقت ھم اپنے دعووں پر یقین کرلیں یا چند نوجوانوں کی طاقت اور اثرورسوخ کے قائل ھوجائے۔
  میرے خیال میں مسلہ نہ تو ریاست کی مضبوطی یا مذھب کی لافانیت کا ہے بلکہ مذھب اور ریاست کے نام نہاد ٹھیکیداروں کا ہے جن کی ذھنی اور فکری بانجھ پن کی سطع انتہائ بلندیوں کو چھو رہی ہے ۔ اور اپنے تنگ نظر مفادات کیلئے ریاست اور مذھب دونوں کا استعمال اور استحصال کر رئے ھیں ۔ عقل اور دلیل کی بجائے سطحی دلائل اور بازاری منطق سے کام چلا رہے ھیں ۔ پھر ریاستی اداروں کی مھم جوئیوں اور غلط کاموں کو جواز فراہم کرنے دفاع کرنے کیلئے دانشوروں ، صحافیوں ، علماء اور اکیڈیما کی پوری لاؤ لشکر موجود ھوتی ہے۔ جو نہایت بھونڈے انداز میں ریاستی اقدامات کی دفاع کرتے ھیں ۔ مثلا اگر ان چند دنوں میں ان بلاگرز کے بارے میں جو کچھ کہا گیا جو لکھا گیا اور جس انداز سے ان کو ملک دشمن اور مذھب دشمن ثابت کرنے کیلئے جو جھوٹی اور من گھڑت باتیں اور چیزیں ان سے منسوب کی گئ وہ تاریخ کا حصہ تو بن گئ مگر اس نے ان خرافات پھیلانے والوں کی منہ پر کالا کالک بھی ملا ۔ ایک طرف تو اس آفاقی اور عالمگیر مذھب کی پیروکاری کے دعوے جو وسوسے پھیلانے اور تھمتیں لگانے کی حوصلہ شکنی کرتا ہے اور کسی مسلمان کی ایمان پر شک کو غلط سمجھتا ہے دوسری طرف اس کے ماننے والوں نے دیگر مسلمانوں پر بیجا مذھب دشمنی کی تھمتیں اور فتوے لگاکر بیگنا افراد اور ان کے خاندانوں کی زندگیوں کو خطرے میں ڈالا ۔ اس طرح انسانوں کے خالق کی عدالت میں توبہ اور معافی کی گنجائش ہے مگر اس کے مخلوق اور ماننے والوں میں نہیں۔ اس دوران کچھ سنجیدہ اور عقلی باتیں اور دلائل بھی پیش کئے گئے جن کو گندی گالیاں سننے کو ملی اور ان پر الزامات اور فتووں کی بوچھاڑ ھوئی۔ بلاگرز کی گرفتاری کے حوالے سے کچھ قانونی مسائل اور پیچیدگیاں بھی سامنے آئی ہے ۔ اگر ان بلاگرز نے کوئی قانون شکنی کی بھی ھو تو ان کے خلاف سائبر قوانین کے تحت کاروائی ھونی چائیے تھا ۔ ملکی سائبر قوانین کے مطابق قانون نافذ کرنے والے اداروں کی ذمہ داری بنتی ہے کہ وہ قانون شکنی کرنے والوں کے خلاف کاروائی کریں ۔ مگر موجودہ کیس میں قانون نافذ کرنے والے اداروں کو پتہ بھی نہیں اور لوگ اٹھائے گئے ھیں ۔ بلاگرز کی گرفتاریوں یا بعض لوگوں کے مطابق ان کے اغوا کے بارے میں وزارت داخلہ تک کو پتہ نہیں تھا ۔ اس بات سے انکار نہیں کہ معاشرے میں طرح کے طرح کے لوگ ھوتے ھیں کسی فرد یا گروہ کی جانب سے مذھب یا ملک کے بارے میں نازیبا یا توھین آمیز الفاظ کے استعمال کو خارج امکان قرار نہیں دیا جاسکتا ہے ۔ مگر ھر چیز کیلئے قانون اور ضابطہ موجود ہے ۔ ملکی قوانین کی خلاف ورزی کرنے والے چاہے وہ عام لوگ ھیں یا خاص کے خلاف بلا امتیاز کاروائی ھونی چائیے ۔ جس معاشرے میں قانون اور ضابطے کی پاسداری نہ ھو احترام نہ ھو تو وہ معاشرہ انسانی اور مھذب نہں کہلایا جاسکتا بلکہ جنگل کہلاتا ہے۔ وہاں جس کی لاٹھی اس کی بھینس کی اصول کا راج ھوتا ہے ۔ اب بحیثیت قوم یہ فیصلہ بھی کرنا ہے کہ ایک مھذب اور باوقار معاشرے کی طرح یہاں قانون کی بالادستی اور احترام ھونا چائیے ھونا یا جنگل کی طرح جس کی لاٹھی اس کی بھینس کا اصول

نوٹ:حیدرنیو کا بلاگر کے خیالات سے متفق ہونا ضروری نہیں ہے

مکمل تحریر >>>

جاگ اٹھا ہے سارا وطن - مشہور ملی نغمہ

یوم دفاع پاکستان کے موقع پر حیدر نیوز کی کی جانب سے اس ملی نغمے کی خصوصی پیشکش

دل میں قرآن ہونٹوں پر تکبیر ہے

جوش عباس ہے، عزم شبیرہے

ہر مسلمان حیدرکی شمشیر ہے

سر پہ سایہ فگن، دست خیبر شکن

 ساتھیوں، مجاہدوں

جاگ اٹھا ہے سارا وطن

آواز:    معسود رانا اور شوکت علی

لکھاری:  حمایت علی شیر

مکمل تحریر >>>

حلب شام میں سپاہ صحابہ اہلسنت و الجماعت پاکستان کے دو دھشتگرد ہلاک

فائل فوٹو

حیدر نیوز: پنجاب کہ ضلع گجرات سے تعلق رکھنے والے کالعدم سپاہ صحابہ کے دو اہم دہشت گرد داعش کےہمراہ لڑتے ہوئے شام کے علاقے حلب میں ہلاک ہوگئے۔
پنجاب کاؤنٹر ٹیررازم ڈپارٹمنٹ کے ذرائع نے نام ظاھر نہ کرنے کی شرط پہ نمائندے کو بتایا کہ ضلع گجرات کے علاقے محلہ جوگی پورہ جلال پور جٹاں سے تعلق رکھنے والے کالعدم سپاہ صحابہ ( اہلسنت و الجماعت ) کے دو اھم دہشت گرد عبدالسلام اور عبدالرحمن معاویہ جو کچھ عرصے قبل انسانیت دشمن داعش کے ہمراہ لڑنے ' شام ' گئے تھے حلب شہر کے پاس شام کی مسلح افواج سے مقابلے کے دوران ہلاک ہوگئےہیں ۔ اطلاعات کے مطابق واصل جہنم ہونیوالے دہشت گردوں کو وہیں دفنا دیا گیا ہے ۔عرب میڈیا ذرائع کا کہنا ہے کہ ہلاک ہونے والا دہشت گرد عبدالرحمن معاویہ کالعدم سپاہ صحابہ کے سرغنہ اعظم طارق ملعون کا سیکورٹی انچارج بھی رہ چکا ہے ۔ ذرائع نے انکشاف کیا ھے کہ کالعدم سپاہ صحابہ سے تعلق رکھنے والے ۱۰۰۰ سے زائد دہشت گرد اسوقت شام میں داعش کےہم رکاب فتنہ و فساد میں مصروف ہیں جنکو ماہانہ ۶۰۰ امریکی ڈالرز تنخواہ فراہم کی جاتی ھے ۔ جب جہاد النکاح ( زنا ) کے لیے
بھی وافر ذرائع موجود ہیں ۔ یاد رہے کہ جہاد النکاح ( زنا ) کی اجازت کا فتوی ۲ سال قبل سعودی مفتی العریفی نے جاری کیا تھا۔

 کچھ عرصہ پہلے پاکستانی لواء زینبیون کے ہاتھوں گرفتار کیا گیا جبھتہ النصرا کا دہشتگرد کا تعلق بھی لشکر اسلام (طالبان گروپ ) سے   تھا، ویڈیو تفصیلات کے مطابق 28 سالہ دہشتگرد کا نام عمر اور وہ شمالی وزیرستان پاکستان کا رہائشی ہے۔یاد رہے آج سے دو سال قبل پاکستانی مسلح افواج نے وزیرستان میں دہشتگردوں کے خلاف اپریشن ضرب عضب شروع کیا تھا جسکی وجہ کافی دہشتگرد دوسرے ممالک کی طرف بھاگ نکلے۔

مکمل تحریر >>>

کانگو بخار کے بارے میں معلومات اور احتیاطی تدابیر

Congo Virusانگلش میں پڑھنے کے لئے یہاں کلک کریں 
کانگو بخار  جان لیوا بخار ہے جو مویشیوں کی جلد میں موجود ٹکس (چیچڑ ) کی وجہ سے ہوتا ہے،اگر یہ ٹکس کسی انسان کو کاٹ لیں تو وہ انسان فوری طور پر کانگو بخار میں مبتلا ہوجاتا ہے، کریمین کانگو ہیمرجک فیور ایسا بخار ہے جس کے جراثیم ایک متاثرہ شخص سے دوسرے صحت مند شخص کو فوری طور پر لگ جاتے ہیں، یہ ایک متعدی بیماری ہے، جس میں شرح اموات بہت زیادہ ہے۔ اس بخار کا سب سے زیادہ خطرہ ان لوگوں کو ہوتا ہے جو لائیو اسٹاک ، زراعت اور ذبیحہ خانوں سے منسلک ہیں،ایسے تمام لوگوں میں یہ بخار عام افراد کی نسبت زیادہ ہونے کا امکان ہے۔ کانگو بخار ایک انسان سے دوسرے انسان میں یہ خون، متاثرہ شخص کے اعضاء ،رطوبت اور جسمانی تعلقات سے پھیلتا ہے، جبکہ طبی عملے میں اگر انہوں نے اپنا حفاظتی لباس نا پہنا ہو انکو متاثرہ شخص کا علاج کرتے ہوئے یہ لاحق ہوسکتا ہے، متاثرہ مریض کے لئے استعمال کئے گئے طبی آلات بھی اگر کسی بھی اور شخص کے لئے استعمال کئے جائے تو وہ بھی اس کا شکار ہوجائے گا۔ اس بخار کی ابتدائی علامات کچھ یوں ہیں، اگر ٹکس کاٹ جائیں تو تین سے نو دن کے درمیان بخار چڑھنا شروع ہوجاتا ہے، پٹھوں میں درد ،تھکاوٹ ،گردن میں درد اکڑائو،آنکھوں کا سرخ ہوجانا اور ان میں درد ہونا،دل کی دھڑکن کا بڑھ جانا،جلد پر سرخ دھبے پڑ جانا شامل ہے۔ اگر فوری علاج پر توجہ نا دی جائے تو جگر اور تلی بڑھ جاتی ہے ، ناک، کان، آنکھوں اور مسوڑوں سے خون رسنا شروع ہوجاتا ہے اور انسان کی موت واقع ہوجاتی ہے۔ اگر بروقت علاج شروع ہوجائے تو صحتیابی ممکن ہے، علاج میں دیر ہوجائے تو زیادہ تر کیسز میں مریض اس بیماری کے دوسرے ہفتے موت کے منہ میں چلا جاتا ہے، اس سے بچائو کے لئے کوئی ویکسین دستیاب نہیں اس لئے احتیاط سے ہی اس بخار سے بچا جاسکتا ہے۔طبی عملہ بھی ہیمرجک فیور کے مریض کا علاج کرتے ہوئے اپنے ہاتھوں پر دستانے پہنے، منہ کو ڈھانپے خصوصی جوتے پہنے اور آلات جراحی استعمال کرتے ہوئے یہ حفاظت یقنی بنائے کہ انہیں یہ آلات ہرگز نا چبھیں اور نا ہی کسی اور پر استعمال ہوں۔اس کے ساتھ ساتھ مریض کو آئسولیشن وارڈ میں رکھا جائے اور دیگر مریضوں اور افراد کا داخلہ وہاں ممنوع ہو،مریض کے زیر استعمال چادریں تولیہ اور دیگر اشیاء کو تلف کردیا جائے۔ اس کے ساتھ مریض کے لواحقین بھی ماسک اور دستانے پہن کر اس کہ تیمارداری کریں،اس کے خون اور یا کسی طرح کے بھی مواد کو ہاتھ نا لگائیں،ہر کام دستانے پہن کر اور منہ ڈھانپ کر کریں، مریض کی وہ اشیاء جو جراثیم آلود ہوجائیں ان کو تلف کردیں،اس کے بعد پورے گھر میں جراثیم کش اسپرے بھی کروائیں۔ اس وقت پاکستان میں عید الاضحٰی کے موقع پر لوگوں کی بڑی تعداد مویشی بازار کا رخ کررہے ہیں، اس لئے اس مرض کے پھیلنے کا خدشہ اور بڑھ گیا ہے،خریداری کرتے ہوئے اور مویشیوں کی دیکھ بھال کرتے ہوئے پورے آستین والی قمیض پہنیں ،ہاتھوں پر دستانے پہنیں،منہ کو ماسک سے ڈھانپ لیں، ہلکے رنگ کے کپڑے پہنیں کہ اگر کوئی چیچڑ کپڑوں پر چپک جائے تو نظر آجائے۔جوتوں کے ساتھ جرابیں پہن لیں، ہاتھ جراثیم کش صابن سے دھوئیں،جانور کو باندھنے والی جگہ پر چونے کا چھڑکائو کردیں۔ مویشیوں کا کاروبار کرنے والے اپنے جانور رکھنے کی جگہ پر اسپرے کروائیں،جانوروں کا ڈاکٹر سے معائنہ کروائیں،کسی جانور پر بھی ٹکس نظر آئیں تو اس کو فوری طور پر الگ کردیںورنہ باقی جانور بھی بیمار ہوجائیں گے۔جانوروں پر چیچڑی کی افزائش روکنے والے اسپرے کریں یا پاوڈر کا چھڑکائو کریں، اس ضمن میں انتظامیہ محکمہ لائیو اسٹاک اور ویٹس معاون ثابت ہوسکتے ہیں،ان سے مکمل آگاہی کے بعد جانوروں کے بیوپاری احتیاطی تدابیر یقینی بناسکتے ہیں۔قربانی کا جانور لینے سے پہلے یہ دیکھ لیں کہ کہیں جانور بیمار تو نہیں یا اس کی جلد پر ٹکس تو نہیں چپکی ہوئیں،جس وقت قربانی ہو تو اس وقت جانور کے خون اور آلائشوں کو ہرگز ہاتھ نا لگائیں،منہ بھی احتیاط کے طور پر ڈھانپ لیں،جانورذبح کرنے کے بعد آدھا گھنٹا انتظار کریں تاکہ جانور میں سے خون نکل جائے پھر کھال اتاریں اور گوشت بنائیں،خون ہرگز بھی اپنے جسم اور منہ پر نا لگنے دیں۔ قربانی سے فارغ ہوکر نہا کر کپڑے تبدیل کریں ، ہرگز بھی مویشیوں کی آلائشوں کو آبادیوں اور سڑکوں پر نا پھینکیں، انہیں محکمہ صحت کے بتائے طریقوں کے مطابق تلف کریں،گوشت کو اچھی طرح پکا کر کھائیں،اگر کسی بھی شخص میں کانگو فیور کی علامت دیکھیں تو اس کو فوری طور پر اسپتال لائیں،بروقت علاج سے بہت سی جانیں بچ سکتی ہیں۔ بہاولپور، کانگو وائرس سے متاثرہ بہاول وکٹوریہ ہسپتال کے " ڈاکٹر صغیر سمیجہ " انتقال کر گئے..... إنّا لله وإنّا إليهِ رَاجعُون،

مکمل تحریر >>>

بحرینی شہزادہ شہزادہ ناصر بن حمد آل خلیفہ داعش کی صفوں میں شامل

منامہ (مانیٹرنگ ڈیسک) غیرملکی ذرائع ابلاغ کے مطابق، بحرینی شہزادہ دہشتگرد گروہ داعش سے ملحق ہوگیا ہے۔ خبروں کے مطابق مذکورہ شہزادے نے اپنے والدملک محمد سے مطالبہ کیا ہے کہ وہ بھی حکومت سے کنارہ کشی اختیار کرکے داعش سے ملحق ہوجائیں۔تفصیلات کے مطابق بحرینی فرمانروا کے چوتھے بیٹے اور بحرین کے شاہی گارڈ کے کمانڈر شہزادہ ناصر بن حمد آل خلیفہ نے حال ہی میں ترکی کے راستے داعش کے زیر تسلط علاقوں میں پناہ لی ہے۔ انہوں نے اپنے ایک پیغام میں اپنے ہم وطنوں سے خطاب کرتے ہوئے کہا کہ وہ ایک ساتھ ملک سے نکلیں اور داعش کی صفوں میں شامل ہوجائیں۔

مکمل تحریر >>>

پاکستان کی تاریخ میں پہلی بار اسلامی ملک کا جھنڈا نذر آتش، نام اللہ کی اعلانیہ توہین

 ملک میں ایک بار پھر فرقہ واریت اور دہشتگردی کی بو محسو س کی جارہی ہے جسکی وجہ ریاستی اداروں کی جانب سے ملک دشمن کالعدم جماعتوں کو کھلی چھوٹ دینا ہے، یہ دہشتگرد تنظیمیں جو نیشنل ایکشن پلان کے تحت کسی بھی قسم کی نقل و حرکت کرنے سے کالعدم قرار دی گئی ہیں لیکن کہیں بھی ان پر کسی قسم کی پابندی لگی ہوئی دیکھائی نہیں دیتی، بلکہ وہ جب چاہیں اور جہاں چاہیں اپنا جلسہ منعقد کرتی ہیں اور نفرت و تشدد پھیلانے کے علاوہ کوئی بات انکے اسٹیج سے نہیں کی جاتی ، کالعدم ہونے کے باوجود انکی اس آزادی کی وجہ ریاستی اداروں کا انہیں دفاع پاکستان کا نعرہ دیکر سائبان دینا ہے۔

گذشتہ روز دفاع پاکستان کے نام پر ملک دشمن کالعدم سپاہ صحا بہ (اہلسنت و الجماعت) نے کراچی میں بھی ایک ریلی نکالی جس میں اس تنظیم کے رہنماوں نے پاکستان کا دشمن امریکا، بھارت اور ایران افغانستان کو قرار دیا، لیکن ریلی کے دوران صرف اور صرف انقلاب اسلامی اور بانی انقلاب اسلامی کی مسلسل توہین کی جاتی رہی جو ناصرف ان ریاستی اداروں کی شیعہ دشمنی کا منہ بولتا ثبوت ہے جنکی ایما پر ان دہشتگردوں نے ریلی نکالی، پاکستان کے کڑروں شیعہ مسلمانوں کی دل آزاری کے ذمہ دار بھی وہی ریاستی ادارے ہیں۔

خطرنا ک یہ ہے کہ ریلی کے اختتام پر پاکستان کی سرزمین ( جو عالم اسلام میں اتحاد و اتفاق پیدا کرنے کی کوشیش کے حوالے سے مشہور ہے) پر تاریخ میں پہلی بار کسی اسلامی ملک کے جھنڈ ے کو سرے عام پولیس و رینجرز کی موجودگی میں نذر آتش کیا گیا، جس پر نام اللہ لکھاہوا تھا، فرقہ پرستی میں یہ سعودی ٹولہ اسقدر آگے نکل گیا کہ توہین اللہ کا مرتکب ہوبیٹھا، جبکہ اہلیبت علیہ سلام کی شان میں یہ ٹولہ پہلے ہی توہین کے حوالے سے مشہور ہے، دوسر ی جانب اس ریلی میں افغانستا ن کا جھنڈا نہیں جلایا گیا جبکہ کچھ دنوں پہلے ہیں افغان فوج نے پاک افواج کے جوانوں کو فائرنگ کرکے شہید کیا ہے، آخر کیوں؟

مگر افسوس ان ریاستی اداروں پر ہے جنہوںنے اس کالعدم دہشتگرد جماعت کو ریلی نکالنے کی اجازت دی ہے، جبکہ ریاستی ادارے باخوبی واقف ہیں آرمی چیف جنرل راحیل شریف نے جن دہشتگردوں کو پھانسی دی ہے ان میں سے کئی کا تعلق اسی کالعد م سپاہ صحابہ سے تھا، جسکا ثبوت آئی ایس پی آر کی پریس ریلز میں ہے ۔

اسطرح کا عمل بتارہاہے کہ پاکستان میں فرقہ واریت کوبھڑکانے کی کوشیش کی جارہی ہے، اور ان سب کے پیچھے وہ سعودی سفیر ہے جو پہلے شام و لبنان میں اسی طرح کی فرقہ وارانہ آگ کو بھڑکا کر آجکل پاکستان میں سفارتی ذمہ داری نبھارہاہے ، اگر پاکستان کے مقتدر حلقہ بیدار نہیں ہوئے تو سعودی عرب جو اسرائیل کی ایما پر پاکستان کو ایک غیر مستحکم ریاست بنانا چاہتا ہے تاکہ ہمارے ایٹمی اثاثوں کو عالمی نگرانی میں دینے کے خواب دیکھا رہاہے ،جلد پورا کرسکتا ہے، کیونکہ اسرائیل نے ہی پاکستان کے ایٹمی بم کو اسلامی بم قرار دیکر اپنے لیئے خطرہ قرار دیا ہے، جبکہ سعودی عرب اپنی بادشاہت بچانے کے لئے اسرائیل کی گود میں پہلے ہی جا بیٹھا ہے ، لہذا اسرائیل دشمن کے دوست کا اپنا دوست بناکر پاکستان کو اپنے ایک اور دشمن ایران سے دور کررہا ہے، گویا اسرائیل سعودی عرب کے ذریعہ بہتی گنگا میں ہاتھ دھونا چاہتا ہے۔ لہذا اب پاکستان کی قیادت کو فیصلہ کرنا ہے کہ وہ کسی طرف جارہے ہیں 

مکمل تحریر >>>